Portland Trail Blazers star Damian Lillard chuan an team record a siam a. Houston Rockets 131-114 a an hnehna inkhelah point 71 a score.
Portland a Moda Center a inkhelah Lillard-a point score zat hi NBA chanchin a sang ber pariatna a ni a. Ania aia point score hnem hi Wilt Chamberlain, Kobe Bryant leh David Thompson te chiah an awm a. Chamberlain hi top 8 zingah hian tum nga a lang.
Lillard hi inkhel tan atangin ball a shoot hnem a, a inkhel huaisen hle in point score lamah a kal na nghal hle a. Halftime a nih meuh chuan point 41 a score tawh.
Blazers coach Chauncey Billups chuan, “Thil danglam leh ropui, thiam thil nei bikte tih thin ang a ni. He league-ah hian hun rei tak ka hmang tawh, mahse point 71 hi chu kan tawng zen zen lo. Thil ropui tak a ni.” tiin a sawi.
Amah Lillard chuan, “A tir atang khan ka kut a kal nghal viau a, kha vang khan point score tum a khelh char char kha tum a ni. Mahse team anga kan thawhhona vang a ni a. Anni vangin ka tih tur ka tih theih phah.” tiin a sawi.
Inkhel dangah Los Angeles Lakers chuan tunhnai inkhel vawi nga atanga vawi li an chakna ni turin team tha Dallas Mavericks 111-108 in an hneh.