Argentina manager Lionel Scaloni chuan kum 2026 thleng La Albiceleste enkawl turin contract a pawtsei.
Kum 44 mi hian nikum World Cup khan final-ah France chu penalty hmanga hnehin an ram a hlawhtlinpui a. Hei vang hian Argentina Football Association in a hna thawk chhunzawm turin an duh.
Kum 2018 khan AFA hian Scaloni hi senior team coach atan an lalut a. A hnuaiah pawh 2021 Copa America kha La Albiceleste hian an lo sawi tawh.
Scaloni contract pawhseina hian 2026 World Cup thleng a daih dawn a, United States, Mexico leh Canada ten an inthlen tawm tur inelnaah hian an ram a la ho leh dawn.
AFA chuan, “Paris khawpuiah president Claudio Tapia leh Lionel Scaloni ten kum 2026 thleng coach a nihna pawhseina an ti fel.” tiin thuchhuah an siam a ni.