Aizawl : Thawhlehni khan Central YMA huaihawtin Uniform Civil Code (UCC) chungchangah political party (BJP, INC, MNF, PC leh ZPM) leh tlawmngai pawl hrang hrang aiawh Central YMA pisa-a thukhawm chuan, theihtawpa UCC do zui zel an rel.
Central YMA President R Lalngheta kaihhruai thutkhawmah hian pawl hrang hrang aiawh kalkhawmte chuan sorkar laipuiin India ram puma UCC hman tumna a awm nia lang chu, Mizo hnam tan leh India rama hnam hrang hrangte tana him dawn loh avangin an duh loh thu leh theihtawpa do a tul thu an sawi a. A dodalna kawngah pawh theihtawpa tan ho zel tha an tih thu an sawi.
Thutkhawmah hian, Uniform Civil Code (UCC) hman tura hmalak mekna hi an duh loh thu leh theihtawpa do zui zel tha tiin, tun hi tanho hun tak niin an hriat thu leh, Mizoram, hnam leh sakhua a him zel theihnan theihtawpa tanho zel tha an tih thu resolution an siam a ni.