India leh South Korea inthianthat kum 50-na denchhen a buatsaih All India Inter SAI Taekwondo Championship chu new Delhi-ah February 24 atanga 26 chhung khan neih a ni a. Mizo infiammiten gold pahnih, silver pahnih leh bronze pathum an la.
Mizoram tana gold medal pahnih hi Ramdingliani lak ve ve niin Kyorugi inelnaah leh Poomsae inelnaa a la lak a ni a. Kyorugi-ah Under 45kg-ah a khel.
Chanmari West nula Ramdingliani hi Mizoram Amateur Taekwondo Association-in Olympic Vision Player a neih zinga pakhat niin nikum kum tawp khan zirna tha zawk nei turin Bangalore SAI Centre-ah nikum khan dah a ni.
Gold medal a lak avangin hian Korean Sawrkar tum sakin Korea ramah training turin a kal zui ang.
Mizoram medal lak dan
Kyorugi Medallist
- Ramdingliani, Chanmari W/NEOC Bangalore Under 49 kg, Gold Medal
- Stella Lalmuanpuii, Armed Veng S/SAI (A) Over 63 kg, Silver Medal
- Hmingchhuanmawia, Lawngtlai/SAI(L) Under 49 kg Bronze Medal
- Marcus Vanlalruatpuia, Ramthar/SAI(L) Under 49 kg Bronze Medal
- Stephen Lalhminghlua, Khawzawl/SAI(A) Over 73kg, Bronze Medal
Poomsae Medallist
- Ramdingliani, Chanmari W/NEOC Bangalore Junior Individual, Gold Medal
- Lalthlamuanpuia, Venghlui/Gidae TC Senior Individual, Silver Medal
Coach – G.Veerabasavaiah, SAI