Hollywood director lar Steven Spielberg leh actor Tom Cruise te chu kum 20 zet an inhmuh thiam loh hnu-ah remna an siam ta.
Steven leh Cruise te hi 2005 hnu lam atang khan an inhmu tui lo mai ni lovin, an inhaw viau ni awma sawi a ni a, an thawh dunna, ‘War of the Worlds’ film an tihchhuah hnu ah inbe tui zui tawh lo mah se, tunhnaia Oscars inhmuhkhawmnaah hmaichhanah inbia in, remna thu an sawi dun.
‘War of the Worlds’ film tlangzarh dawn ruai khan Cruise hi Opray Winfrey show-ah inlanin, film promote miah lova, a nupui hual Katie Holmes sawichhuak a, phur fahrana sofa chunga a zuang vak vak mai khan director Steven thin a tirim hle a, hun tha bawlpelha tul lo tak maia a che chiam mai khan a lung a tiawi thei lo. Hei hi 2005 khan a ni.
Hei mai hi a la ni lova, Cruise-a’n actress lar Brooke Shields chungchang a sawichhuah dan mawi lo leh pawm harsa tak mai chuan an inkar siam that harsa khawpin a tichhe zui nghal. Tunah erawh kum 20 a liam tawh a, inhmuh thiam lohna leh inhuatna dah thain, bung thar an keu dawn ta niin a lang.