MNF thalai President Dr L Thangmawia’n “MNF thalaite hi kan elpuite chhiat avang emawa lawm mai lovin, ram tana thawk tura kan inpekna avang zawka sorkar kan tum fo thin zawk tur a ni” a ti.
Nimina MNF thalai executive meeting-ah he thu hi MNF thalai President chuan a sawi a. “Kan Minister-te an tha em em a, opposition lamin sawiselna tur an hre lo” tiin, Covid hripui leng kara theihtawp chhuaha an hmalaknate a rah an seng chhoh mek thu leh kumin inthlanpuiah pawh MNF-in hneh tak- in sorkarna a siam ngei dawna a lan thu a sawi.
MNF thalai President chuan Chief Mi- nister Zoramthanga chu rem leh rem lovin eptu party ten an bei thin nia sawiin, Pathian hruainain a kaihhruaina hnuaiah hmalam erawh an pan zel niin a sawi a. “Nikum lama sorkar tur thawka thaw te pawh budget session a zawh dawnah meuh chuan hniamlam an pan hret hret zel a ni” a ti.
L Thangmawia chuan “Kan elpui ber tur party hi khawi party zawk nge ni ang? tih kan inrinsiak mek rih” tiin, MLA ngah zawk leh a lian zawka inngai party pawh hunreiloteah an chhungkaw buaina a puak keh lovang tih a sawi theih loh niin a sawi a. An elpuite ch- hiat avang emawa la- wm mai lova, ram tana thawk tura an inpekna avang zawka sorkar tum turin MNF thalai hruaitu kalkhawmte chu a chah a ni.
MNF thalai executive meeting chuan resolution pahnih – “Chief Minister Pu Zoramthanga thawhrimna leh ṭhahnemngaihna avanga Mizoram budget thar Rs vbc 14209.95 zet mai hman theih tura peih a ni ta hi lawmawm kan ti a. Assembly budget sess- ion-ah Minister hrang hrang ten theihtawp chhuahin an deptt. an enkawl tih a rawn lang hi lawmawm kan ti a, MNF MLA za- wng zawngte inbuatsaihna a ṭhain, ram tana an inpekna MN- YF chuan a chhuang takzet a ni” tih leh “Mizoram rorelna insang ber Assembly House-ah Myanmar leh Bangladesh atanga kan unau raltlante tana lungrual taka resolution pass a ni ta hi MNYF chuan lawmawm kan ti a. Hei hian Chief Minister Pu Zoramthanga leh a kaihhruai MNF chu Zohnahthlak zawng zawngte Inpui a ni tih a ti chiang ah kan ngai a ni” tih te chu an pawm bawk.