Uzbekistan rama zaithiam lar tak Kaniza chu karhmasa khan stage-a a inlan leh chei dan mawi lo nia video a darh chiam hnu ah mipui hmaa inlan rih lo turin thuneitute’n hun eng emaw chen chhung atan an khap.
Heti anga an khap burnaah hian video pahnih langsar a awm a, pheikhawk sang a bun vang te, legging sexy tak leh kawr size lian tak hak vangte chu a chhan lian leh langsar a ni.
Sorkarin ramchhunga artist te inlan leh zaina lam thila phalna a pek Uzebekconzert thuneitute chuan thuchhuah siamin, ‘Zaithiam Kaniza hian tunhnai khan hmuh nuam leh hrehawm angreng tak nena a inlanna video a tichhuak a, hei hian thlirtute mit a tikham a, awmdan mawi leh khawsak phung pangngai pelin a khawsa,’ an ti.
Uzbekistan ramah hian zaithiam te hian ramchhunga an zai theihna turin sorkar atangin licence an hmuh a ngai a, license nei lo tan mipui hmaa zai an khap bur.
Kaniza hi restaurant hawn thar pakhatah hla pahnih a sa a, hemi tuma a inchei dan leh lan dan hian sawi a hlawhin, thuneitute an inrawlh nghal vat a ni.