Boston Celtics in NBA a Eastern Conference hmahruaitu an nihna an hloh a. New York Knicks lakah chesualin pahnihnaah an tla thla.
Thawhlehni zinga Madison Square Garden a inkhelah Celtics hi 109-94 in an tlawm a. An star player Jayson Tatum chu an inkhel in nidang a tluk loh zanah referee te thutluknaah a lawm loh thin avangin a ang chhuak leh thin a. Technical foul vawi hnihna pek a nih hnuah fourth quarter-ah hnawhchhuah a ni.
New York Knicks hi a zawna vawi ruk an chakna a ni thung a. Harhvang leh taima taka defense an khelh tlat chuan Celtics player-te tan hmunawl a siam tlem a. Boston lam offense a bil hle.
Knicks tan hian Julius Randle leh Immanuel Quickley te chuan point 23 ve ve an score a. Jalen Brunson chuan point 17 thawh bawkin Knicks hi vawi 63 inkhel tawhin vawi 36 an chakna a ni a. East-ah pangana an ni mek.
Celtics tan Tatum chuan vawi 18 ball a shoot atang vawi 6 chauh a lut a. Point 14 score in vawi 9 assist a neih bakah rebound vawi sarih a la.
Malcolm Brogdon chuan point 22 score in team tana score sang ber a ni a. Inkhel thei lo Jaylen Brown awm loh an tuar.
Vawi 44 chak tawh nimahsela Milwaukee Bucks aiin an win percentage a hniam zawk.