Aizawl : Serchhip Town Development Committee chu thawhtanni khan an Chairman H. Lalthianghlima hovin an thukhawm a, PWD changtu chief minister Zoramthanga’n Serchhip venglaia PWD quarter awmna, vantlang tana a hlan chu lawmawm an tih thu resolution an siam.
Thutkhawmah hian Serchhip Kawnpui North huam chhung Venglaia PWD te awmna hmun, mipui tana hlan tak hi Sobji Bazar Market Building zauh nan leh Shopping mall siam nana hman nise, helai hmuna motor dahna lo sa te pawh chawl tur leh thiat tura tih ni se tih te, Presbyterian School Serchhip thlang NH-54 kawngkawi lai laih zauh belhte, Serchhip Bazar building atanga tui chhe paihna siamte, Serchhip Sport Complex kawng siam zauhte, Govt Serchhip College kawng phei tuihawk luankawr siamthat te bakah khawtlang mamawh leh tul dang hrang hrangte an rel a ni.
Serchhip Town Development Committee ah hian town huam chhunga NGO lian zual leh party aiawh theuhte bakah khawtlang parawn nia hriat te telin, nimina thutkhawmah hian Serchhip Town huamchhung VC 12-a VCP 11 te an tel a ni.