Spanish tennis star Rafael Nadal chuan a inhliam a la dam chian loh avangin Indian Wells leh Miami a Master 1000 inelna lo awm turah te a tel dawn lo tih a tichiang.
Kum 36 mi Nadal hian thla hmasa a Australian Open round hnihna hnuah tennis a la khel leh lova. Mackenzie McDonald laka a tlawm hnuah a kawng hliam avangin thla hnih vel chawl turah an ngai.
Indian Wells director Tommy Haas chuan, “Rafa hi dam thuai se kan duh a, nakkumah chuan a hmel hmuh ngei kan beisei.” tiin a sawi.
Nadal hian March a khelh tur Miami Open pawh a khel dawn lova, April 9 a European clay court season intan hun a kir leh a tinzawn.