Aizawl : Muallianpui leh Bualpui ‘H’ Village Council bakah tlawmngai pawl hrang hrang inrawnkhawmin tiam chin awm lovin Chhimtuipui lui (Colodyne river) dung humhalh an rel.
Muallianpui South Branch YMA President MC Lalchawiliana kaihhruai Joint Committee Meeting chuan Chhimtuipui lui ding humhalh chhungah (lui hnar lamah suartawi tukhum (dai kaina) chin leh lui mawng lamah tuikhur luichhuah suar (suar te zawk) chin) eng hmanrua hmang maha sangha man phal anih loh thu te, sangha man lui man te’n Rs 10,000 chawi leh an sangha manna hmanrua te laksak te, man an nih atanga ni thum ral hmain an pawisa chawi tur tihte leh sangha man an awma report-tu hnenah lawmman atan Rs 5,000 pek te an rel.
Thutkhawmah hian, tiam chin awm loa humhalh kalpui te, lui dung humhalhna kawngah hian a tul anga hma lakpui turin sorkar thuneitu ah thlen te leh kum tin vawi hnih/thum tal Joint Committee neih te, humhalh chhungah sangha chi dah belh a, sangha chi dah belhna tur atan hian budget atan Rs 20,000 ruahmanin resolution an siam a ni.