Aizawl : Mamit-a GSA khelmuala DAY-NULM Festival – Exhibition Cum Food Fe- st buatsaih chu nimin khan Mamit Bawrhsap Lalnunhlua’n a hawng.
Naktuk thleng awh tur exhibition-ah hian Self Help Group (SHG) ten an thil siamchhuah hrang hrang te stall 30-ah an pho- chhuak a. Manager, DAY-NULM Mamit Zodinsanga’n a sawi danin, Mamit district-ah DAY-NULM hnuaiah SHG 72 din tawh niin ALF group 3 din tawh a ni a. Training course hrang hrang Domestic data entry operator, Beauty technician, LMV driver, Assistant electrician, Mason general, Carpentry, General duty assistant, Paper mat- che, Sampling tailor bakah Baking technician te pek an ni tawh a. SHG te tan tun 0thla chhung hian Food processing, Puantah leh Home composting tr- aining buatsaih leh an tum bawk.
Mamit Bawrhsap chuan Chapchar Kut, mipui tam punkhawm tam hunlaia SHG te inphochhuahna hun ruahman a ni chu lawm- awm a tih thu a sawi a. SHG te chu thawhho thiam tura chahin, group tikehtu ni lova tiphuisuitu nih tum theuh tur leh mimal anga an tih theih loh tam tak group-in an ti thei a ni tih hriaa, hmasawn phahna atana hmang turin a chah bawk a ni.