Nagaland-a People’s Democratic Alliance (PDA) hruaitute chuan nimin khan Union Tribal Affairs Minister Arjun Munda chu New Delhi-a a chenna inah an hmu.
Union minister hmutute hi Nagaland Tribal Affairs leh Higher Education Minister Temjen Imna Along, advisor to IT&C, S&T & NRE, Mmhonlumo Kikon; adviser & MLA Medo Yhokha; adviser & MLA Mathang Yanthan leh adviser & MLA Tongpang Ozukum te an ni.
Union Minister Munda pawhin Nagaland atanga amah kawmtu an awm thu hi Twitter-ah tar langin, “Nagaland sorkara minister-te nen Nagaland-a tribal mite dinhmunte kan sawiho va, an hmasawnna turte pawh kan ngaihtuah,” tiin a tar lang.
Amah kawmtute pawh hian minister hnenah hian an state-a tribal mite tana thawh tur leh an dinhmunte an sawipui thu leh inkawmna hlawk tak an hman thu an sawi.