United States chuan Mexico hnenah druglord thiltithei tak an man mek, El Chapo tia an hriat lar, Joaquin Guzman-a fapa chu ruihhlo tawlhnaah nasa taka inhnamhnawih nia sawiin a chungthu relsak tura an rama thawn turin an dil tih Mexican sorkar thupuangtuin a sawi.
Ovidio Guzman-a hi January khan man a ni a, a pa man a niha kum 2017-a US hnena hlan a nih hnuah a Sinaloa cartel chu a enkawl zui nia hriat a ni.
Mexico-a US embassy chuan an rama hruai tura ngenna hi foreign ministry leh attorney general pisaah an thehlut tih thupuangtu chuan AFP news agency a hrilh.
An hming tar lan rem lo Mexican sorkar thu hretu pahnihte pawhin kum 32 mi, Guzman-a thawn dilna hi a awm ngei tih Reuters news agency an hrilh bawk.
Guzman naupang zawk hi Sinaloa state hmar lam, Culiacan khawpui bulah man niin buaina chhuakah mi eng emaw zat an thih phah bawk.
El Chapo-a khan ruihhlo a tawlhna hmunpui ber hi Sinaloa-ah a din a, US chuan thiam loh chantirin kum 25 tang turin a hrem.
Guzman-a hi January khan an ram court chuan rang taka US-a thawn a nih lohna turin rem a lo ruatsak a; mahse, judge chuan US hnenah March 5 thleng thawn dilna an hawn theihna hun a hawnsak.
Sinaloa-ah hian methamphetamine lab eng emaw zat siamna turin a puih bakah cocaine leh marijuana a thehdarh nasa niin US thuneitute chuan an sawi.
Thuneitute hnena a chinchang hrilhtu, ruihhlo tawlhtu leh nupui a neihnaa zai duh lo Mexican zai thiam thata puh a ni bawk.
Kum 2019 khan reilo te an a lo ni tawh a; mahse, buaina a chhuah zui nasat em avangin an chhuah leh ringawt a ni.