Spotify-a thlatin ngaithlatu maktaduai 100 chuang nei thei hmasa ber ni turin The Weeknd dingchhuakin, record ropui tak a siam.
Zaithiam lar hian Spotify-a hla ngaihthlak hlawh ber a nei bawk a, ‘Blinding Lights’ hi vawi billion 3.4 chuang ngaihthlak a ni tawh.
Heti anga hlawhtlinna duhawm leh chhinchhiahtlak a neih thu puan anih hma lawk hian Ariana Grande nen, ‘Die For You’ remix fuhzet mai tichhuakin, rimawi khawvelin a hlut nghal hle.
Kum 2016-a tihchhuah he hla hi TikTok laah pawh a viral nasa angreng a, tun tumah hian genre danglam deuh zawkin a tuaihnum leh a ni ber.
The Weeknd hi Canada ram khawpui Toronto-a piang niin, a nu leh pa te hi Ethiopia atanga pemlut niin, 2010 khan a hla hmasa ber chu YouTube-ah vawmlut in, bul a tan.
Kum sawm kalta chhunga artist hralh kal leh hralh tla ber zingah a langsar.