World Cup vawikhat a goal khung hnem ber record siamtu French striker ropui Just Fontaine chu Nilaini khan kum 89 mi niin a thi.
Fontaine hian 1958 World Cup khan Sweden-ah France tan match ruk khelin goal 13 a khung a, an ram hi pathumna a nihpui.
World Cup chanchin a goal khung hnem lamah palina niin Lionel Messi nen an intluk mek.
A club hlui Stade de Reims chuan, “French football star, striker ropui leh Reims mihrâng a ni.” tiin an thlah a. A club dang Paris St-Germain pawhin, “France Football fachuam in min liamsan ta.” tiin an thlah.
Fontaine hian kum 1958 chauh hi World Cup a khelh avangin a record hi a ropui zual a, ani aia goal khung tam pathum chiah an awm.