Mi pakhat, tu nge a nih hriat loh chuan Telangana-a Congress party chief Revanth Reddy chu Telangana-a Bhupalpally district-a Nilainia kawngzawhnaa thu a sawi laiin artuiin a vawm.
A vawm fuh lo hlauh thung a, Congress hruaitu hi an party-in ‘Hath Se Hath Jodo’ padyatra (foot march) an neihna hmuna thu a sawi laiin a thu sawi a bahlah phah lem lo.
Thil thleng hi news agency ANI chuan a lo la fuh a, a bul hnaiah venhim hna thawktute an din thup laiin mi pakhatin a lam hawi hian artui hian amah a tum ngei a ni tih hriat takin a vawm thut tih a lang thei a ni.
Congress hruaitu vawm a nih lai video hi social media-ah nasa taka thehdarh zui a ni nghe nghe.
Police chuan MP vawmtu hi tu nge a nih an la hre lo va, man pawh an la nei lo bawk.
Telangana unit Congress chuan rorelna fawng chelh mektu, Bharat Rashtra Samithi (BRS) member tih ni ngeiin an puh a ni.
Chief Minister K Chandrasekar Rao-a kaihhruai BRS erawh chuan he thil thlengah hian engmah sawi an la nei ve lo thung.