Nagaland Baptist Church Council (NBCC) chuan an state-a zu khap burna dan, Nagaland Liquor Total Prohibition (NLTP) Act 1989 chu hman an duh leh tih an sawi.
Nagaland Liquor Total Prohibition Act hnuaiah hian zu kawl, in leh siam khap tlat a ni a. An state atanga lak chhuah leh hmun dang atanga lak luh pawh khap a ni bawk.
NBCC chuan state sorkar chuan hei ngai pawimawh tharin a takin kalpui leh se an ti tih an sawi.
NBCC hian zu khap duh lehna leh sorkar nawrna hi tun hnaia Triennial Convention vawi 22-na an hmanah an rrelnaah an pawm a ni.
NBCC chuan zu avanga harsatna leh buaina hrang hrang an neihte chu sorkar chuan ngaihvenin a chin fel dan chu ngunthluk takin ngaihtuah se an duh thu an sawi bawk.
Council hian inthlan reng rengah hlep rukna leh dan phal loh thil a awm lohna turin ‘Clean Election Campaign’ neih an rawt bawk.
NBCC hian an member-te chu Kristian rinna tibuai thei ang chi thil hrang hrangah inhmang lo tur leh Pathiannia Pathian biak inkhawm tibuai thei thil vantlang inkhawm leh thil dangah pawh tel lo turin an ngen bawk.