Brazil forward ropui thin Ronaldinho fapa Joao Mendes de Assis Moreira chu Barcelona Under-19 team a khel turin Spanish club in contract pangngai an ziahpui.
Kum 18 mi Mendes hian January khan Barcelona a Juvenil A team-ah training a nei reng tawh a. Trial nei hlawhtlingin Barcelona hian contract pangngai ziahpui turin thutlukna an siam a. Ningani khan academy director Jose Ramon Alexanco nen inremna an ziah tih an tarlang.
Mendes-a contract hi nakkum nipui thleng daih tur a ni a, hma a sawn dan a zirin contract ziah belh dan tur a awm zel ang.
Kum 14 a nih atangin Brazilian club Cruzeiro youth team tan a khel tan tawh a, nikum khan an hnena contract hi a lo titawp tawh.