Aizawl: Zirtawpni khan Zawlbuk Group YMA huaihawtin Sesawng-ah Chapchar Kût hman a ni a, Aizawl Mayor Lalrinenga Sailo chu Kût Pa niin, cultural programme hrang hrang bakah kangmei ven inzirtirna hun hman a ni.
Kût Pa chuan Zawlbûk Group YMA-in he hun hmang tura an sawm chu lawmawm a tih thu a sawi a. Mizo hnam kût zinga pawimawh uar taka a huhova Zawlbuk Group YMA-in an hmang thei chu branch hrang hrang karah inunauna tha tak a siam ngei a beisei thu a sawi.
He hunah hian Aizawl District Fire Prevention Committee hmalakna kal zela ‘Kangmei ven’ thawh thumna chu hman nghal a ni a. Green Mizoram Network (GMN) atangin PC Lalthakima, Sr. Vice President leh BIOCONE aiawhten thu an sawi bawk.