Aizawl : Indian National Trust for Art and Cultural Heritage (INTACH) Hqrs, New Delhi bultumin tunkar Ningani khan DIET Aizawl auditorium-ah INTACH Mizoram Chapter leh Directorate of School Education, Mizoram-in All India Essay & Poster Competition, 2023 – ‘Khana Khazana: My Food Heritage’ – chu school naupang Class 7-9 zirlaite tan an buatsaih a, Aizawla school hrang hrang atangin naupang engemaw zat he inelnaah hian an tel.
Sorkar thuchhuahin a tarlan danin All India Essay & Poster Competition-a zirlai tel za- wng zawng te chu certificate pek vek an ni dawn a. Regional law- mman 100 leh Natio- nal lawmman 10 a awm a, a dawng tur te chu INTACH Hqrs in a rawn thlang dawn a ni.
INTACH hian zirlaite tan hnamro (heritage) hrang hrang – khuanu duan sa (natural), mihring siamchawp (built heritage), hnam zia leh tawng (cultural heritage) an vawn a, humhalh duhna thinlung an lo neih zel theihna turin program a siam tawh thin a; Mizo zirlai chhuanawm tak tak lawmman dawng an awm fo tawh thin.
State level Essay leh Poster competition-ah hian zirlai te chu mahni hnam chawhmeh leh eirawngbawl chungch- ang lem leh essay hmangin an inel a. Mizote chawhmeh leh bawl hlo danglam tak Bai, sawhbawl, saum leh chingalte he inelnaah hian pholan an ni tih sorkar thuchhuah chuan a tarlang.