HRD Board Vice Chairman Dr. L. Thangmawia’n nimin khan Mizoram House, Shillong-ah Chapchar Kut a hmanpui a. Dy. Residence Commissioner Lalchhanhima Kut thlengtu niin, Prof. C. Nunthara’n Chapchar kut lo awm chhoh dan a sawi bawk.
Shillong-a Chapch- ar Kut hmanpuitu Dr L. Thangmawia chuan Shillong chu Zofate tana hmun pawimawh nia sawiin, “kan mihmasa tam tak ten retheihna hneha an lo zir- chhuahna hmun a ni” a ti a. Shillong-a Chap- char Kut hmang tura sawm a nih avanga a lawmthu a sawi.
L Thangmawia ch- uan “Kut hi mihring te tan a hluin a pawimawh viau a ni ang, khawvel hnam tinin kut chi hrang hrang an nei deuh vek” a ti a. “Kan rama chanchin- tha a lo thlen tirh lai khan kan pi leh pute tih thin tam tak, kut te, khuang te remch- ang lova ngaihna lian tak a awm chhova. Khuang te phei chu khap hial niin hun lo kal zelah zu hmun sa hmun atan chauh ni lo, Pathian fak nana hman a lo nih takah chuan Biak In-a lakluh leh a ni” tiin kut hrang hrang te pawh Mizo culture-a bet tlat an nih avangin rinna nen inrema hlim taka kalpui dan zawn zel a hun tawh thu a sawi.
Dr L Thangmawia chuan “Zofate hi Pathianin hnam angin min din chho mek a, Mizo tawng pawh Zofate zingah kan tawng intawm (common language) turin a kal chho mek niin a lang” a ti a. “Hei vang hian kan Chief Minister zahawm tak Pu Zoramthanga pawhin Mizo Language Development Board (M- LDB) din tura thutluk- na siamin a bawhzui hna chu HRD Board kutah a dah a. March ni 10, 2022 khan ML- DB Bill chu Mizoram Assembly House-ah lu- ngrual taka pass a ni a, hnathawk theia he board hi siam turin sorkarin chak takin hma a la mek a ni” a ti bawk.