Liverpool forward Roberto Firmino chuan tun season tawp a contract a neihlai a hman zawh hunah club a chhuahsan dawn niin an sawi.
Brazil international hian tun season-ah Liverpool tan vawi 26 inkhelin goal 9 a khung tawh a, player tangkai ni mahsela inkhel bul tantu zingah telh a ni tawh ngai lo.
Coach Jurgen Klopp chuan kum 31 mi hi Anfield-ah cham chhunzawm se a duh thu lo sawi tawh mahse German chanchinbu thenkhat chuan Firmino hian cham zui a tum lova, club pawh a thutlukna a hriattir tawh niin an sawi.
Firmino hian kum 2015 khan German club Hoffenheim atangin Pound maktaduai 29 in Anfield hi a pan a. Reds tan vawi 353 inkhel tawhin goal 107 a khung tawh a, midang khung tur vawi 78 a siamsak tawh a. Premier League-ah goal 78 khungin ani aia Brazilian player goal khung hnem an awm lo.
Liverpool-ah hian Mohamed Salah leh Sadio Mane te nen an pathum a inkawpin a hunlaia English football a forward line hlauhawm ber zing ami an ni thei a. Liverpool-ah hian trophy pasarih la hmanin Champions League, Premier League leh FA Cup te heng zingah hian a tel a. UEFA Super Cup, FIFA Club World Cup, Carabao Cup leh Community Shield te an la tel bawk.
England pawn atangin club amah ngaihventu engemaw zat an awm tawh a, free transfer a chhuak turin a duh ang club a be thei tawh ang.