Mipa tennis world number one Novak Djokovic chuan kum 2023 duhthusam a a hman chu a chhunzawm a. Dubai Tennis Championships semi-final lut turin Hubert Hurkacz a hneh.
Kum 35 mi Serbian superstar hi kuminah match 15 inkhel tawhin a la chak vek a. Ningani zan khan Polish player Hurkacz lakah hian 6-3 7-5 in hnehna a chang.
Hurkacz hneh tur hian minute 71 bak a mamawh lova, kuminah a tournament champion-na pathumna ni turin ke a pen mek zel. “Nawrtu ka nei chunga ka inkhelh danah ka lungawi a, set hnihna bikah khan ka serve a kaltluang hle.” tiin Djokovic chuan a sawi.
Dubai-ah hian a vawi rukna atan champion a tum mek a. Final luh inchuh turin Daniil Medvedev nen an intum leh ang.
Australian Open finalist Medvedev hian Borna Coric 6-3 6-2 in a hneh ve thum a, a vawithumna atan champion a tum ve thung.
Champion lai Andrey Rublev pawh a la chak.