Mizo Zaimi Inzawmkhawm (MZI) Gen. Hqrs-in March ni 4, 2023 (Inrinni) khan AR Lammual-ah Chapchar Rimawi Kut – Live music hlang hmangin an buatsaih a, mipuiin an hlut hle.
MZI Charpchar Rimawi Kut-ah hian chawhnu dar 1 atanga zan dar 9 thlengin live band țha tak tak ten mipuiin an awi a. Mizo band tha zingah Boomarang, Magdalene, Even Flow, To Coda, Er. Sanglura band, Forever Young, Zonun band leh NGO te pawh an inlan a, an ni bakah hian Mizo mipui ten kan la hriatlar lutuk loh band tha tak tak engemawzat an inlan bawk.
Chapchar Rimawi Kut zan lam hun chu MZI patron R Lalzirliana pawhin hmanpuiin, MZI Patron chuan “rimawi tum tu (musician) te hi mipuiin kan chawimawi an phu” tiin Chapchar Rimawi Kut hmangtu zawng zawng chibai bukin duhsakna a hlan a ni.
MZI Charpchar Rimawi Kut hi a vawikhatna niin, rokhawlhna dang a awm a nih loh chuan live music hmanga kumtina neih tura ruahman a ni a. Tuntumah hian MZI senior member K.C Runremsangi chu India sorkarin civil mi te chawimawina sang Padma Shri dawng tura a thlan avang leh Art huang atanga thlan a nih avanga lawmpuina leh chawimawina MZI hmingin MZI President Er Lalrothanga’n a hlan bawk.