Aizawl : ZPM thalaiin Chief Minister bial Sihphir Venghlun huam chhûnga kawng siam te an tlawh thu leh Nausel road leh Vasih road ten belhchian a dawllo hle niin an sawi a. “Kum tam a vei hmain kawng siam te hi hmun tam zawkah a khawk leh tawh” an ti.
Chief Minister bial ah kawng siamna atâna sum tam tak a kal ral laiin, kawng te chu a chhe hle si niin an sawi a. Mipuite zahlohnaa an ngaih thu an sawi.
ZPM thalai chuan ṭhenkhat chu COVID 19 avanga mipuiin ha- rsatna an tawh laia MNF sorkarin induhsakna uchuak hmanga contract-a a thawh tir te nia sawiin, “kum tam a vei hma leh an term pawh a tawp hmaa an kawng siam te a khawk leh vek hman leh an rod phûmte pawh a lang leh fer fur ta mai hian MNF sorkâr nih- na dik tak a pholang chiang hle” an ti.
Sihphir Venghlun Vasih road-ah kawng siamna tur cement chu a chawhna khawl hm- ang lovin JCB-in an chawk niin an sawi a. Lei laih khuarah JCB-in cement chu a hai a, khuar chu cemen-a zutmam a ni lova, an cement chawhah lei a kai tel ṭeuh ang tih a rin theih nia sawiin, JCB-a cement chawh chu thil nih dan tur ni pawha a lan loh thu leh MNF sorkâr hnuaia kawng hmanga sum siamna dik taka an ngaih thu an sawi bawk a ni.