Aizawl : Inrinni khan Health Minister Dr R Lalthangliana’n Association of Surgeons of Mizoram Annual Conference a hmanpui.
Aijal Club-a inkhawmah hian Health Minister hian Mizoramin hriselna kawnga hmalakna lamah nasa takin hma a sawn tih sawiin, tun hnaiah Mizo doctor super specialist an awm ta nual chu lawmawm a tih thu a sawi a. Tun hnaiah Cancer Super Speciality Hospital chu JICA puihna a sak tan a nih tur thu a sawi a. Primary health care pawimawh-na pawh sawiin, Sub Center te tih changtlun chhoh zel a nih thu leh Health clinic pawh Mizorama thingtlang khaw hrang hrang 200 chuangah health worker-te enkawlna hnuaiah din a nih thu a sawi.
ASM Vice President Dr ST Lalruatfela kaihhruai inkhawmah hian Prof. Sandeep Kumar, Editor in Chief, Indian Journal of Surgery chu hnute cancer chungchang thu a sawi bawk.
Association of Surgeons of Mizoram hi kum 2018 a din niin, tun dinhmun ah member 41 awm in heng zing a 4 te hi hmeichhe surgeon an ni.