Mizoram primary teachers’ association (MPTA)-in “Pri- mary school textbook hi Mizo ram leh hnam mila siam ni rawh se,” tia an rawt chu PC party-in an thlawp thu an sawi.
Tunhnaia MPTA-in Primary school textbook te Mizo ram leh hnam mila siam an rawtna chu PC party chuan an vei leh tihhlawhtlinngei an tum, kan education policy duanah pawh an telh a nih thu leh an thlâwp thu an sawi a. Student Self Support Union (SSU) te buatsaih ‘Mi- zoram Vision 2023’ neih ṭumah pawh PC party aiawhin Vice President Lalrinmawii Fanai-in a lo auchhuahpui tawh niin an sawi.
PC party chuan ‘Kan ram, kan hnam, kan sakhua a him tur a ni’ tih chu an PC thupui a nih thu leh hemi mila uluk taka naupang zirlaibu buatsaih chuan thiamna bâkah zirlaite hmalam hun leh nun, thui tak a kaihhruai theih dawn avangin pawimawh an tih thu an sawi.
India ram dânpui (constitution) ah, Primary sikul education zirlaibu ziah chu state list, state-in a tih tur a nih thu PC party ch- uan sawiin, ram dânpui hnuaiah vêk education chu concurrent list (union leh state te thuneihna inṭawm) hn- uaia awm a nih angin, state pawhin a huamchhûngah chuan thlâk danglam leh siamṭhat ngai lai apiangah thu- neihna a neih thu an sawi a. Hemi hre tel chunga Primary sikul zirlaibu ziahṭhat chu an thlâwp tlat thu an sawi.
PC party chuan “Tuna India rama sor- kar laipui hian sikul zirlaibu te NCERT-in a ziah vek turin hma a la mêk a; Kan zirlaibu nasa taka thlâk dang- lam ni chho mêkin na- upangte rilruah sakhu- ana rawngkai thil te leh politics-a tùte em- aw hamṭhatna awm thei zâwnga hmalâkna a lian hle” an ti a. Nunphung leh ngaihhlut zâwng (value system) te a tlakhniam hle bawk avangin Mi- zo zirlai, a bîkin primary sikul zirlaite chu kawng hrang hrangah vên leh an nuna thil hlû leh tha tuh a ngai tih an sawi a. “Zirlaibu hmang pawhin Mizo hnam, ram leh sakhaw venhim hna leh kan hlutzâwng te tuh hna hi thawh theih turah kan ngai a ni” tiin an thuchhuahah an tarlang bawk.