Ningani khan Taj Mahal chu bomb hmanga beih a nih tur thu tihthaihtu a awm vangin mipui insasengtir an ni.
Police-te chuan he hmunah hian bomb sut thiam rual leh mi thiam tam takin a hmunhma zawng zawng an zawn chhuah hnuah puak thei thil an hmuh lo.
Pa pakhatin police control room biain Taj Mahal-ah bomb a kam thu a sawi a, police-te chuan an phone call dawn chu thudik aiin inbumna 99% a nih an rin thu an sawi.
“Mi pakhatin phone-a a biaka hria kan ni a. He pa hian sipai lakna rualkhai lo vanga tling lo niin a insawi a. Engtik hun pawha puak thei turin bomb a kam thu a sawi,” tiin police thuneitu sangin an sawi.