Commerce & Industries Minister Dr R Lalthangliana tar lan danin, Mizoram Venus Bamboo Products Pvt. Ltd din tirh atangin Mizoram sorkarin Rs nuai 1,323.50 seng tawh mah se tun thlengin hlawkna a la tel lo.
Assembly Budget Session neih zawh taka Serchhip bialtu MLA Lalduhoma zawhna ziaka Commerce & Industries changtu minister chhan danin, Mizoram Venus Bamboo Pvt Ltd hi kum 2003 atanga din a ni a. A din tirh atanga tun thlengin tum hnih Mizoram sorkar hian sum a pe chhuak a. A tum khatnaah Rs nuai 1,169.50 a seng a, a tum hnihnaah Rs nuai 154.00 a seng thung.
Mizoram Venus Bamboo Products Pvt Ltd din tirh atanga tun thleng hian Mizoram sorkarin hlawkna a la nei loh mai bakah, tunah hian thawktu an awm tawh lo bawk.