Aizawl: ZPM Leader Lalduhoma chuan ruling party hi anmahni thangkamah an awk zel a, an thusawiin a khak fu hlei thei tawh lo niin a sawi.
Thawhtannia ZPM chhung inkhawmah thu sawiin Lalduhoma hian assembly budget session neih zawh taka house-a ram tana theihtawp an chhuahnate ngaihhlutsak an ni chu lawmawm a tih thu a sawi a. Finance changtu, Chief Minister Zoramthanga’n sorkar kum thar atana Mizoram budget a pharh takah Rs. vbc 460 sum indaih lohna nei sain bul an tan a, leiba tam tak neiin kum 50 thlenga mipuite rulh tur sum an puk tih sawiin, “Sorkar leh tur tan pawha huphurhawm khawp leh hnual rawihna tur ba an hnutchhiah dawn a ni,” a ti.
Lalduhoma hian MNF sorkar chu sum enkawl kawngah leh hmasawnna kawngah a hlawhchham thak nia sawiin, “Hetiang sorkar hi kan la hriat ngai loh a ni. Ruling party hi anmahni thangkamah an awk zel a, an thusawiin a khak fu hlei thei tawh lo va, an tum a fu thei tawh lo va, anmahni hi an inbeitawk hle tawh a ni,” a ti bawk.
Autonomous District Council (ADC) pathumten AMC leh local council ang te hian direct-a direct funding sum hi central atanga dawn ve an duh tih a sawi a. Nikum lam daih tawh khan ZPM PAC chuan hemi chungchang hi ngun takin an ngaihtuah tawh a, an lo sorkar a, central-in an ngaihdan a zawt a nih chuan tha takin an lo chhang ang tiin an party dinna an lo tihtluk tawh sa a nih thu a sawi.
Inkhawm hi ZPM Consultant F Rodingliana’n a kaihruai a. ZPM leader-in mi thar a lawm lut a ni.