Hong Kong police-te chuan nimin khan firfiaka hmalak tum an rinhlelh mi pakua an man.
Heng mite hian puakthei thil siam a, khawpui hmun hrang hrangah bomb kam an tum tih police-te hian an hmu chhuak a ni.
Politics avanga tual chhung mipuiten ngaihdan inang lo tak tak an neih hunlai, tun hnai thla eng emaw zat chhunga mipui sorkar ngiattuten nawrhna nasa tak lantirna an neih hnua thil thleng langsar tak a ni a. Kar hmasa khan mi pakhatin Hong Kong-ah hian police pakhat chu amah a inthah hmain a lo vit tawh.
An man pakua zingah hian secondary school zirlai mi paruk an tel a. Anni pawl hian an hostel-a tualchher laboratory-ah triacetone triperoxide (TATP) puakthei siam an tum tih an hmuh chhuak.
TATP hmang hian court, cross-harbour tunnel leh rel hmunpui bakah mipui punkhawm tam duhna hmuna bawlhhlawh bawma dah turin ruahmanna an siam.
An mante hi mipa panga leh hmeichhia pali, kum 15 leh 39 inkar an nih thu Hong Kong Police National Security Department-a an Senior Superintendent Li Kwai-wah chuan a tar lang.