Mission ICU-in Champhai District Hospital-a hman tur ICU khum 10 leh a ken tel hmanraw mamawh hrang hrang, Rs. nuai 40 man hu chu nimin khan Champhai District Hospital hnenah an hlan.
Thilpek inhlannaah hian Champhai North bialtu MLA, Health & Family Welfare Board Vice Chairman ni bawk Dr. ZR Thiamsanga pawh a tel a. Mission ICU te ata- nga ICU khum leh hmanrua engemawzah an dawn ni chu Cha- mphai district tan ni chhinchhiahtlak a nih thu a sawi.
Mission ICU-in ra- mri dep leh lamhla tak, Indo-Myanmar border-a awm Chanmphai district-ah hma an la chu lawmawm a tih thu Dr Thiam- sanga chuan a sawi a. A hlawhtlin theih nana district administration leh official dangte hmalakna a fak bawk.
Dr Thiamsanga chuan Champhai District Hospital-ah Rs. vbc 14.5 senga Critical Care block pawh siam tum a nih thu leh sum pawh ruahman fel a nih tawh thu a sawi a. Nursing sch- ool hostel sak mek a nih thu pawh sawiin, a ranglama Nursing school kalpui a nih theihna tura sorkarin hma a lak zel thu a sawi bawk a ni.
Champhai Bawrh- sap James Lalrinchhana pawhin Planning Secretary finchhuahna kaltlanga May 2022 a hmalaknate a taka puitlin a nih tak chu sawiin, lawmawm a tih thu a sawi a. Champhai district-in hriselna kawnga hmasawnna ruhrel pawimawh a nei chu bung thar kaina a nih thu sawiin, Mission ICU te thahnemngainaah lawmthu a sawi.
Dr. Edmond Fernandes, Founder & CEO, CHD Group, Co-founder, Mission ICU pawhin Champhaiin an team-te tha taka an lo dawnsawnnaah leh an thawhhona tha tak avangin lawmthu a sawi a. North East state-a hmalak chu an ngaihpawimawh thu sawi- in, India rama thingtlang khua 20 an thlan zinga 9 te North East state amite an nih thu a sawi. Champhaia ICU khum 10 an hlan nen India rama thingtlang khaw hrang hrang 20 ah ICU khum 200 an hlan fel tak thu a sawi bawk.