Real Madrid in kar duhawm lo tak an hman chu an tana result tha lo dang bawk neiin an khar a, goal inpe lovin Real Betis nen an inhnehtawk.
Pathianni zana Estadio Benito Villamarín a inkhelah hian Real Madrid in inkhel thunun viau mahse goal an khung thei lova. Goal hlauhawm engemaw zat an siam atangin remchang an la thei lo.
Karim Benzema chuan freekick atang goal khung mahse Real defender Antonio Rudiger kut a fuh avangin pawm a ni lo.
Rodrygo chuan chance tha vawi hnih neiin Benzema leh Federico Valverde te pawhin goal an khung teuh.
Real defender Lucas Vazquez chuan, “Khelh tur a la tam a, theihtawpin a tawp thleng kan bei zel ang. Zaninah point thum hmuh kan phu a, mahse kan theih loh avangin kan result-ah kan lungawi lo.” tiin a sawi.
Real an tlawm zanah La Liga hmahruaitu Barcelona in hnehna pawimawh an chang a. Player 10 a inkhel zo nimahsela 1-0 in Valencia an hneh.
Spotify Camp Nou-ah second half-ah Barca defender Ronald Araújo hnawhchhuah a ni a. Vale ncia in Thierry Correia, Samuel Lino leh Ilaix Moriba te hmangin an si phurh an sut teuh.
Barca goal hi first half minute 16-naah Raphinha khung a ni.