Nikum NBA Playoffs a series hmuhnawm ber pawl a intum team tha pahnihte an intawng leh a. 130-126 in Phoenix Suns in Dallas Mavericks an hneh.
Pathianni zanah nikum Western Conference semifinals rematch hi a thleng a. Team hmelhmang danglam tawh viau mahse West a team tha pahnih zing ami an la ni reng.
Suns tan star player thar Kevin Durant chuan point 37 a score a, inkhel tawp dawn tawhah hma an hruaina turin bucket pawimawh a nei. Mavericks star player Luka Doncic chuan chhanlet hman hram tum mahse a hlawhtling thei lo.
Brooklyn Nets star pahnihte inhmachhawnna inkhelah Suns tan Durant thlawp turin Devin Booker chuan point 36 leh assist 10 a nei.
Lehlamah Luka Doncic khelhpui Kyrie Irving chuan point 30 leh assist vawi 7 a nei ve bawk.
Suns hi Western Conference-ah palina an ni mek a, seed sang zawk ni tura ngaih an ni a. Lehlamah Mavericks hi pasarihna ni mekin khelh 17 a la awm avangin anni pawh seeded sang team ni tura ngaih an la ni tho.