Miley Cyrus chuan hmeichhia zinga UK Number one single nei rei ber record thar chu Adele ‘Easy One Me’ hnu lama a hmasa ber ni turin a siam ta.
US star hian a hla thar ber, ‘Flowers’ a chetthapui hle a, US mai ni lo UK lamah pawh par a chhuahpui. January 13 atang khan chhuhsak thei an la awm lo.
He hla hian March 3 khan chawlhkar ruk chhung number one a ni tawh a, ‘Easy On Me’ in hun rei tak chhung record a lo siam tawh chu a rawn nihrualpui dawn hnai niin a lang. Adele hla hian 2021 leh 2022 khan kar riat zawnin number one nihna a hauh.
Miley hla, ‘Flowers’ hian top spot a hauh mai a ni lova, tun dinhmuna UK-a hla stream nasat ber a ni mek. Rampumah vawi maktaduai 5.2 chuang stream a ni tawh.