Tuihna humhalh kawnga hma a lak that avangin Lunglei district chhunga Sairep VCP HS Lalawmpuii chuan President Droupadi Murmu hnen atangin ‘Water Warrior’ award a dawng.
Inrinni khan sorkar laipuia Department of Drinking Water DDWS, Ministry of Jal Shakti buatsaihin Vigyan Bhawan, New Delhi-ah Swachh Sujal Shakti Samman (SSSS 2023) hun hman a ni a. He hun hi India rama hmeichhiate zinga faina, tuihna humhalh leh water supply system enkawlnaa thawk thate chawimawina atana buatsaih niin India ram pum atangin Water Warrior Award mi paruk hnenah hlan niin heng zingah Mizoram atangin HS Lalawmpuii a tel a ni.