Los Angeles rocker lar tak ni thin Mr. Big chuan rimawi khawvel an tour hnuhnung ber ni turin 2023 leh 2024 hian ‘The Big Finish’ tour neiin, tawp an khar dawn.
Nimin khan social media kaltlangin tour tawp ber an neih tur thu puanchhuah a ni a, July thla atangin Asian tour-in bul an tan ang a, hemi hnu hian South America, Europe, UK leh US an chhuzui ang.
Hei rual hian drummer thar hmelhriattirna an nei bawk a, 2018 kuma an drummer thi ta Pat Torpey aiawh tur a ni ang. Pat hi Mr Big dintute zingah telin, an lar leh ropui lai zawng zawng khan khuangpu rinawm tak a ni a, Parkinson natna vangin hun lo takin an boral.
Tunah chuan Spock’s Beard-a tel thin Nick D’Virgilio chuan khuangpu hna a chelh dawn a, Bassist Billy Sheehran chuan, “Tunah hian drummer duhthusama tha Nick kan hmuchhuak hlawl mai a, a ‘aw’ lah chu a’n tha mai mai khawp bawk a, zaipu atan paw’n iaawm lo tak a ni.
“Pat nen an vocal range a inang chiah a Pat ang bawka fit tak leh part pe thei tur pawha thiam leh tlin tak tur a ni bawk. A chhan chu, Mr Big hi harmony-ah an innghah thui thin em vang a ni,” a ti.