Aizawl: Excise & Narcotics Department (END)-in Serchhip district-ah heroin gram 338.450 (hawng 27) an man.
March 4, 2023 zan dar 6:30 khan END hian Sailiam, Serchhip leh Mat lei-ah heroin gram 56.450 (hawng 4) leh a neitu nia puh mi pali – Lalzarmawii (28), Thenzawl Bazar Veng; Lalrinawma (39), Khawbung Pathian Veng, tuna Zokhawthar-a khawsa mek leh Vanapa Section, Zokhawthara khawsa nia inchhal ve ve David Lalremruata (30) leh Lalzuimawia (24) te an man.
Thawhtanni chhun dar 11 khan Serchhip Chhim veng-ah heroin gram 11.930 (hawng khat) leh a neitu nia puh – Lalruathlua (24), Serchhip Field Veng-a khawsa nia inchhal an man.
Thawhlehni chawhnu khan Serchhip Kikawn, Irrigation Complex bulah heroin gram 270.070 (hawng 21) leh a neitu nia puh – Lalnunhlima (32), New Serchhip, Luiralmawi-a khawsa mek nia inchhal an man bawk.
Heroin vanga mante hi The Narcotics Drugs & Psychotropic Substances Act, 1985 (NDPS Act) tlawhchhanin thubuai siamsak an ni.
Hetihlai hian, END-in kumin chhungin heroin Kg 6 & gram 182 an man tawh a. Aizawl district-ah man tam berin gram 4,082.000 an man tawh a, Champhai-ah gram 1,053.560, Serchhip-ah gram 370.032, Lunglei-ah gram 350.600, Kolasib-ah gram 275.989, Siaha-ah grame 36.754 leh Mamit-ah gram 12.700, a vaiin gram 6,181.635 an man tawh.