Aizawl: Special Court, POCSO Act-in naupang kumtlinglo pawngsualtua puh, Lalremruata, Ramhlun Vengthar chu kum sarih jail tang tur leh Rs 2,000 chawi turin a hrem.
Special Judge POCSO Act Vanlalenmawia chuan September 19, 2015-a naupang kumtlinglo pawngsualtua puh, Lalremruata chungchanga court thuremna chu tun kar Thawhtanni khan a puang a, thil tisual ngeiah ngaiin Section 4 POCSO Act, 2012 hmangin thiam loh a chantir.
Nimin khan Lalremruata hremna chu puan niin, hrehawm taka kum 7 chhung lungin tang tur leh Rs 2,000 chawi turin Court chuan a hrem a, a pawisa chawi tur chu a pek theih loh chuan ni 10 dang a tan belh dawn a ni.