Newcastle United chuan nipuiah an tlarhnung veilam a khel tur player thar an dap dawn a, Arsenal full-back Kieran Tierney chu lakluh an tum dawn niin an sawi.
Emirates Stadium-ah Tierney hi Mikel Arteta squad-ah thlan hmasak zingah a tel lo ta fova. Oleksandr Zinchenko chu an lakluh tan hnuah first-choice left-back niin Tierney tan inkhelhna hmun a tam lo.
Hei vang hian Arteta team-ah Tierney dinhmun tur leh a hma hun awm zel dan tur a chiang lo mek a. Newcastle United hian a hma hun chiang lo hi remchangah la in an first choice left-back ni tura thlem theih an inbeisei.
Scottish international kum 25 mi lakluh nan hian Magpies hian Pound maktaduai 30 chuang sen an inhuam niin chanchinbu thenkhat chuan an sawi.
An coach Eddie Howe chu hun engemaw chen chhung Tierney lo duh tawhtute zing ami a ni bawk a, hei vang hian lakluh hmasak atan a duh niin an sawi tel.
Kum 2019 khan Celtic atangin Gunners hi Pound maktaduai 25 in a zawm a. Fak hlawh thin tak nimahsela a inhliam leh thin avangin Arsenal tan hian vawi 113 chiah a la inkhel.
Kum 2021 khan kum nga daih contract a ziah thar leh avangin lei tum tan erawh a man a tlawm dawn lo.