Manchester United lei tum a intlansiakna chu a kal zel a. Tun dinhmunah Qatari Sheikh Jassim bin Hamad Al Thani leh British company INEOS neitupa Sir Jim Ratcliffe te chu lei tum mek an ni.
Qatar atanga lei tumna hi Paris Saint-Germain neitu Qatar Sports Investments te nen inzawmna nei lo an ni a. Anni hian Pound tluklehdingawn 4.4 in an ngam mek a. INEOS aiin an ngamna hi a sang zawk rih niin an sawi.
Sheikh Jassim bin Hamad Al Thani hote hi an hlawhtling a nih chuan PSG te el tham sum thehchhuah a, football team bakah club siamthat an tum nia sawi an ni bawk.
Qatar lam hian United hi an lei a nih chuan an leiba an pe tla nghal ang.