BLACKPINK member zinga solo music tichhuak hnuhnung ber ni turin March 31, 2023 hian Jisoo hla thar ngaihthlak theih a ni ang.
K-pop idol hian nimin piah khan Instagram kaltlangin solo debut tlangzarh tur chungchang a tarlang a, ‘Coming Soon’ poster dahin field hring dup maia dress sen mawi leh langsar tak mai dah bawk chu a phochhuak.
Kum 28 mi Jisoo hi member pali awmna BLACKPINK-a solo music tichhuak tlai ber a ni dawn a. Jennie khan 2018 daih tawh khan solo music tichhuak tawhin, Rose leh Lisa te’n 2021 khan an zui veleh a ni.
A thiante hla tihchhuah ho hi a hit viau hlawm a, hun rei tak a karah a tlakzeh bawk vangin Jisoo tan ‘pressure’ a na viau dawn. Thiante phak loh nih te, thiante tluk loh nih te pawh thil awm thei a ni a, engnge a n dawn tih chu tun thla tawp hian a chiang ang.