Rapper lar GloRilla concert-a inpawngchillnaah mi pahnih an thi. Rochester, New York-a vanduaina hleng hi show zawh hnu-ah rapper hian a hre ve chauh.
Show chhimtute hian silai ri ni awm tak an hriat vangin exit awmna lamah an innek buai a. Mahse, silai kah ri emaw silai hmanga inkahna engmah a thleng lo niin, Rochester police lieutenant Nicholas Adams-a’n a sawi.
He thil thlen hma hian GloRilla hi a zai do fel vek tawh a, a hnu maia thil thleng hi hriain, a rilru hrehawm leh nuam lo takin a awm. “Ka fan te ka khawvel an ni a, thi chhungte ka tawrhpui em em a, hliam tuar te pawh an dam thuai ka duhsak hle a ni,” a ti.
Memphis khawchhuak musician lar leh F.N.F (Let’s Go) hla vanga thla hmasasa Grammy Award nomination hmutu ni bawk GloRilla hian show neihna hmun a chhuahsan fe hnu-ah chhiatna a thleng tih a hre ve chauh a ni.