India Meteorological Department (IMD) chuan ni nga lo awm leh tur chhung hian India hmarchhak hmun hrang hrangah ruah, tek leh rial a tla dawn niin an sawi.
IMD hian Assam chhim lam leh Meghalaya-ah hetih chhung hian ruah tam tak surin tek pawh a tla nasa dawn niin an sawi.
IMD hnuaia National Weather Forecasting Centre chuan Assam hmun thenkhat, Meghalaya, Nagaland, Manipur, Mizoram leh Tripura-ah ruah leh tek a tla thei bawk niin an sawi.
“Ruah, tek, rial leh thli, darkar khata km 50-60 vela chak chu Assam leh Meghalaya hmun thenkhatah a thawk thei,” tiin IMD chuan a sawi.
IMD hian tek, rial leh darkar khata km 40-50 vela chak thli pawh Nagaland, Manipur, Mizoram leh Tripura hmun thenkhatah a thawk thei bawk niin an sawi.
Tek leh darkar khata km 30-40 vela chak thli chu Jharkhand, Arunachal Pradesh leh Kerala-ah a thawk thei niin an sawi a. Arunachal Pradesh-ah hian vawiin leh naktukah hian ruah thahnem tak a thawk dawn niin an sawi bawk.
“Thawhtanniah hian ruah, tek leh thil, darkar khata km 40-50 vela chak chuan Assam, Meghalaya, Kerala leh Maharastra hmun thenkhat a nuai ang,” tiin IMD chuan a sawi.