Indian maktaduai tel chuan ram chhung leh khawvel hmun hrang hrangah rawng kût, Holi chu uar takin an lawm.
He kût hi March thlaa thla bial zana lawm thin niin nipui intan leh thain sual a hneh lawmna atana hman thin a ni.
Kuminah hian kût hmangtute chuan an thian leh lainate rawngin an theh a; an tawngtai a, pawna mei an chhem a, hei hi thain tha lo a hneh theih nana an tih a ni.
Holi hi Hindu sakhua nena inkungkaih a nih rualin India-ah hian culture lamah nghawng lian tak a nei a. A hmangtute chuan he kût hian inkungkaihna leh thil dang tihnaah bultan thar lehna entirnaah an ngai a ni.
India-ah chuan he kût lawm nan hun lian tham tak tak hman a ni a. Mipuite chu an lâm a, an zai a, ruai nen an lawm thin a. Naupangte pawhin hlim taka an lawm theih nan zirna in khar niin puitlingte chuan rawng lar tak tak inhnawih leh inthehin an lawm bawk thin.
Kût hi khawpui thenkhat, hmar lama Uttar Pradesh-a Vrindavan leh Mathura leh hmun dangahte chuan lian tham leh danglam takin an lawm thin bawk.
Kût hi chawlhkar khat chhung lawm thin a ni a. A lawmtute hian sakhaw thila thiltih hrang hrang huaihawtin rawng an intheh bawk thin.
Holi thlen dawn hnaihah hian khawlaiah pawh sumdawngin kût lawmna tur thil an zuar nasa thei hle a. Kawtkaiah rawng intheh chi (powder) te, pichkari (water pistol) leh kût kaihhnawih thil dang dang an pho tuarh zel a ni.
Kût hmanna thlalak hrang hrang thehdarhah chuan a vaiin rawng lar tak tak a tam hle a, mipui pungkhawm an tam thei hle bawk a. Mite chu gulal (red powder) an intheh a, hei hi hausakna, than duanna leh chakna entirna niin mi hnena chutiang nei tura duhsakna an hlanna a ni.