Hmeichhia leh na- upang dikna cha- nvo humhalhtu pawl AIKO-in nimin khan Minister Lalruatkima hovin International Wo- men’s Day an hmang a, Mizo hmeichhe pali – Padma Shri dawng ta- wh B. Sangkhumi, Lalriliani, Marli Van- kung leh Er. Lalhmingliani te chawimawina thilpek an hlan.
Minister Lalruatkima chuan International Women’s Day chu khawvelin a ngaihpawimawh a nih thu sawiin, “hma kan sawn tawh hlein a lang a, ram leh khawtlang hruaituah pawh hmeichhia an awm ve ta nawk a, office-ah te pawh hmeichhe officer kan ngah em em a, zirna lamah hmeichhia ten hma an hruai deuh zel tawh” a ti a. “Hmeichhiate hi fak an phu a, inchhungkhur chet zawng zawng an kut a ni a, khawsak rel nen, naupang buaipui nen, heti chung pawha heti khawpa hma an sawn thei hi, mipa te hian inzirna tur tam tak kan nei a ni” a ti.
“Mipa ropui tak phenah chuan hmeichhia an awm thin,” ti te pawhin an lo sawi hial thin” tiin, Lalruatki- ma chuan “Mipa te hian keimahni chauh chuan kan nih tur ang kan ni phaklo fo thin” a ti a. “Pathian pawh- in mipa tanpui turin a kawppui awm mi hme- ichhia ka siam ange, a lo ti reng a ni” a ti.
Lalruatkima chuan “artificial intelligence system-in a zirchiannaah zaa 44-ah mipa leh hmeichhe inthliarna a awma hriat a ni a, khawvel ram 125-a hmeichhe journalist za-a 73 te chuan an hnathawhnaah online-a invaukhanna an tawk thin nia hriat a ni” a ti a. He zirchianna a lo lang hi UN-in a la thutak hle tih sawiin, kumin International Women’s Day thupui atan pawh ’embrace equity’ tih a thlang tih a sawi bawk.
India sorkar paw- hin hmeichhia te dik- na chanvo a ngai pawimawh a, Women Commission te dinin, Municipal Corporation ah pawh seat a hauhsak tih Lalruatkima chuan a sawi a. Hmeichhe councellor te pawh mipa aia an duai na bik hmuh tur a awm lo tih sa- wiin, ram rorelna politics-ah pawh reservation hmeichhia ten an neih chu ngaihlu a, tan la zel turin Minister Lalruatkima chuan a chah bawk a ni.