Aizawl: Aizawl East II bialtu MLA Robert Romawia Royte chuan a bialah Rs nuai 20,000 chuang man hmasawnna hna thawk mek a nih thu leh hma thar pawh lak zel a nih thu a sawi.
Armed Veng South MNF Unit buatsaihin nimin khan MNF party zawm thar lawm luh inkhawm neih a ni a. He hunah bialtu MLA hian inthlan a hnaih chhoh mek laia ZPM hruaitu leh member ni thin te, Congress party mi ni thin te leh neutral eng emaw zat ten MNF-a membership pea hnam party an zawm chu lawmawm a tih thu a sawi a. Inthlanghrung loa MNF party leh Mizo hnam tan thawk turin an party zawm tharte a chah.
Robert Romawia Royte hian tun hnaiah unit level zela inlawm luh hian mihring an inhrechiang a, dawta inbum theih a nih loh avangin unit level zela lawm luh programme huaihawt thin a duh tih sawiin, unit dangah pawh tihzel tum a nih thu a sawi bawk.