Siaha bialtu MLA Dr K. Beichhua chuan nimin khan SDFA Playground, Siaha-ah MLA Cup, 2023 final match chu khuallian niin a hmanpui.
MLA Cup 2023 kharnaah hian Siaha bialtu MLA Dr. K. Beichhua chuan thalaite kawng dik an zawh theihna atana Siaha District Football Association hmalakna chu ropui a tih thu sawiin, “Thalaite ruihhlo leh thil tha lo lak atanga chhanchhuah hna ropui tak an thawk a ni,” a ti.
Dr. K. Beichhua chuan Siaha district mipuite chu kawng engkimah mi hnunga awm reng bik tura Pathianin a zawn chhuah an nih loh thu leh theihtawp chhuaha an beih fan fan chuan rual an el phak thu a sawi.
Siaha DFA hnenah Dr. K. Beichhua hian ambulance atana an hman turin Maruti Eeco Van a leisak bawk.