Pakistani agent-te hnena SIM card pe thin nia hriat an nih avangin Assam-a Nagaon leh Morigaon district atangin mi panga man an ni tih Nilaini khan police thupuangtu chuan a sawi.
An kut atang hian mobile phone, SIM card leh bungraw dang eng emaw zat man tel niin heng zingah hian ram dang embassy nena ram venhimna lam thu pawimawh inhrilhna atana an hman handset pawh a tel tih a sawi.
Assam Police thupuangtu, Prasanta Bhuyan chuan Intelligence Bureau atanga thu an dawn bawhzuia Thawhlehni zana beihpui an thlaknaah an man tih a sawi.
“District pahniha mi 10 vel chuan ram himna tiderthawng theiin Pakistani agent-te hnenah service provider hrang hrang SIM card pe chhawng thin an awm tih hriat a ni,” a ti.
Mi pangate hi Thawhlehni zana an man vek niin a sawi.
An mi mante hi Nagaon-a Ashiqul Islam, Bodor Uddin, Mijanur Rahman and Wahiduz Zaman leh Morigoan-a Baharul Islam te an nih thu a sawi.